Кешенді тестілеуді (КТ) бұрынғы жылдары мектеп бітірген және колледж бітірген түлектер тапсырады. 2012 жылдан бастап 19.01.2012ж №111 «Жоғары оқу орындарына қабылдаудың Үлгідегі ережесінің» өзгеруіне байланысты (19.04.2012ж. №487 өзгерістерімен бірге)  колледждің барлық түлектері жоо-на түсу үшін міндетті түрде ҚР БҒМ Ұлттық тестілеу орталығы (ҚР БҒМ ҰТО) өткізетін кешенді тестілеуден өтеді.  Техникалық және кәсіптік білім базасы негізінде қысқартып білім беру бағдарламасы бойынша университетке түсетіндер үшін талапкерлерді күндізгі, кешкі және сырттай оқыту түріне қабылдауды ҚР БҒМ ҰТО-ның кешенді тестілеуі негізінде ҚАЕУ қабылдау комиссиясы жүзеге асырады.   Жоғары білім базасы негізінде қысқартып білім беру бағдарламасы бойынша университетке күндізгі, кешкі оқыту түрі бойынша түсу ҚАЕУ қабылдау комиссиясы өткізген әңгімелесу нәтижесінде жүзеге асырылады. 

Қысқартып білім беру бағдарламасы бойынша оқу мерзімі:

• жоғары кәсіптік білімі бар тұлғалар үшін – 2 жыл;
• техникалық және кәсіптік білімі бар тұлғалар үшін (мамандығына сәйкес)  – 3 жыл;
• техникалық  және кәсіптік білімі бар тұлғалар үшін мамандығына сәйкес келмейтін мамандықты таңдаған кезде  жоо-ның күндізгі оқыту түрі бойынша оқу мерзімі 4 жыл немесе кешкі оқыту түрі бойынша оқу мерзімі 5 жыл болуы мүмкін.  

КТ тапсыру үшін өтініштерді беру мерзімі: 20 маусымнан 9 шілде аралығы 

КТ өткізу мерзімі:  17 шілде- 23 шілде аралығы 

КТ Қазақстан Республикасы білім және ғылым Министрлігіның Ұлттық тестілеу орталығымен әзірленген технология бойынша төрт пәннен: мемлекеттік тілі немесе орыс тілі, Қазақстан тарихы, математикадан және таңдаған пәні бойынша өткізіледі.  

ЖОО-на түсу үшін 50 балл жинау қажет,соның ішінде бейінді пәннен 7 балдан төмен болмау керек. Басқа пәндерден 4 балдан кем болмау қажет.

Мемлекеттік грант бойынша конкурсқа өтініштер қабылдау 23-шілдесінен 31 шілдесі аралығында жүзеге асырылады.

Кешенді тестілеу бойынша төлемақыны талапкерлер Қазпошта бөлімшелері арқылы немесе ҚР Халық банкісі арқылы жоғары оқу орнына түсушінің   СТН бойынша ғана жүзеге асады.

Төлемақы құнынң көлемі: 2242 теңге (ҚҚС-мен бірге)

Ұлттық тестілеу орталығының Реквизиттері:

РМҚК «Ұлттық тестілеу орталығы»  ҚР БҒМ  

010011  Астана қ, Жеңіс даңғылы, 60

СТН  600300086081

БИН 000140001853

ИИК KZ536010111000001515

БИК HSBKKZKX КБЕ 16

АҚ «Қазақстан Халық банкі»